Til hamingju með félagsmiðsvöðvadaginn

 í flokknum: Tían

Miðvikudaginn 18. nóvember verður hinn árlegi félagsmiðstöðvadagur haldinn hátíðlegur í Reykjavík. Markmið dagsins er að vekja athygli á því uppbyggilega frístundastarfi sem þar fer fram  fyrir börn og unglinga og bjóða áhugasömum að kynnast því.

 

Í ár munu allar félagsmiðstöðvar í Reykjavík bjóða upp á stafræna dagskrá í tilefni dagsins en þar verður hægt að kynna sér starfsemi félagsmiðstöðva og taka þátt í sérstökum uppákomum sem tileinkaðar eru deginum. Vegna aðstæðna í samfélaginu hafa félagsmiðstöðvar  þurft að umbreyta sínu starfi og leita nýrra leiða til að vera til staðar fyrir börn og unglinga og gefa þeim kost á fjölbreyttu frístundastarfi. Starfsfólk félagsmiðstöðva hefur jákvæðni og hugmyndaauðgi að leiðarljósi í sínu starfi nú sem endranær og hvetur áhugasama til að taka þátt í deginum, þó að hann sé haldinn með óhefðbundnum hætti að þessu sinni.

 

Félagsmiðstöðvar munu senda foreldrum nánari upplýsingar um dagskrána með tölvupósti og jafnframt kynna hana á heimasíðum og samfélagsmiðlum viðkomandi félagsmiðstöðvar. Yfirlit yfir félagsmiðstöðvar í Reykjavík er að finna á heimasíðu skóla- og frístundasviðs.

 

Félagsmiðstöðvadagurinn er haldinn á öllu landinu fyrir tilstilli SAMFÉS, samtaka félagsmiðstöðva og ungmennahúsa á Íslandi, en dagurinn hefur verið haldinn hátíðlegur á höfuðborgarsvæðinu frá árinu 2005.

Nýlegar færslur
Contact Us

We're not around right now. But you can send us an email and we'll get back to you, asap.

Ólæsilegt? Breyttu textanum. captcha txt