Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

Home » Forsíða – Tían » Um Tíuna

 Félagsmiðstöðin Tían

Félagsmiðstöðin Tían er ein af þremur félagsmiðstöðvum í Árbæ, Grafarholti og Norðlingaholti sem starfrækt er af Árseli, frístundamiðstöð. Markhópurinn er börn og unglingar í 5.-10.bekk.
Lögð er á áherslu á samvinnu við skólana þrjá (Árbæjar,-Ártún oog Selásskóla) sem og foreldra/forráðamenn í hverfinu. Félagsmiðstöðin er opin öllum þeim sem hafa áhuga og er öllum að kostnaðarlausu nema annað sé auglýst. 
Félagsmiðstöðin Tían er staðsett í Árseli sem er við Árbæjartorg.  
Forstöðumaður Tíunnar er Bjarni Þórðarson. Hægt er að hafa samband við starfsmenn Tíunnar í gegnum netfangið tian@reykjavik.is og í síma 411-5810 eða senda á forstöðumann í netfangið bjarnith@rvkfri.is eða í síma 695-5041.

Leiðarljós og gildi

Leiðarljós í frístundastarfi

Börnum og unglingum standi til boða frístundastarf sem hefur uppeldis- og menntunargildi og tekur mið af aldri þeirra og þroska. Áhersla er lögð á virka þátttöku, reynslunám, lýðræði og mannréttindi. Sérstaklega er hugað að því að virkja einstaklinga sem þurfa sérstaka hvatningu og stuðning vegna fötlunar eða félagslegrar stöðu. Starf á vegum frístundamiðstöðva er í eðli sínu forvarnarstarf þar sem unnið er með viðhorf og atferli barna og unglinga í átt til heilbrigðs lífsstíls og virkni í samfélaginu.

 

Gildi frístundastarfs 

Frítíminn er í nútímaþjóðfélagi góður vettvangur fyrir uppeldisstarf þar sem áhersla er lögð á aukinn þroska og færni með fjölbreyttum viðfangsefnum og reynslunámi. Í frístundastarfi er lögð áhersla á að vinna með sjálfsmynd, umhyggju, félagsfærni, virkni og þátttöku. Í starfi frístundamiðstöðvanna er unnið mikilvægt forvarnarstarf og börnum og unglingum skapaður jákvæður valkostur í frítímanum með fagfólki, öruggu umhverfi og innihaldsríku starfi. Þar gefst jafnframt gott tækifæri til tómstundamenntunar þar sem frístundaráðgjafar fræða börn og unglinga um ávinning tómstundaiðkunar og hvernig hún getur haft áhrif á lífsgæði þeirra og lífsfyllingu.

 

Þríþætt uppeldisgildi frístundastarfs

Forvarnargildi – Þátttaka í skipulögðu frístundastarfi í umsjá fagfólks í öruggu umhverfi hefur mikið forvarnargildi. Rannsóknir sýna að verulega hefur dregið úr reykingum og áfengis- og fíkniefnaneyslu hjá unglingum á grunnskólaaldri á undanförnum árum. Talið er að þátttaka í skipulögðu frístundastarfi hafi þar haft jákvæð áhrif, auk þess sem hún hefur jákvæð áhrif á námsárangur. Með því að bjóða börnum og ungu fólki upp á jákvæð viðfangsefni í frítímanum með sterkum fyrirmyndum aukast líkur á því að þau kjósi heilbrigðan lífstíl og forðist áhættuhegðun.

Menntunargildi – Í frítímanum fást börn og unglingar við fjölbreytt og skapandi verkefni þar sem lögð er áhersla á virkni, frumkvæði og sköpun. Þátttaka í slíkum verkefnum færir unga fólkinu reynslu og þekkingu sem það býr að og getur yfirfært á samfélagið. Hér er ekki um formlegt nám að ræða heldur er lögð áhersla á reynslunám og óformlegt nám. Með óformlegu námi er átt við nám sem ekki á sér stað á vegum skilgreindra menntastofnana og endar með prófi. Í óformlegu námi er þó unnið að fyrirfram settum markmiðum og leiðbeinendur veita þann stuðning sem þarf til að þau náist innan ákveðins tímaramma. Í frístundastarfi á sér einnig stað svokallað tilviljanakennt nám en það er nám í gegnum viðfangsefni í daglegu lífi í tengslum við vinnu, fjölskyldu eða frítíma. Ekki er um að ræða skipulagða fræðslu hvað varðar markmið, námstíma eða stuðning og er yfirleitt ómeðvitað.

Afþreyingargildi – Að skemmta sér, hlæja og verja tíma í góðum hópi án sýnilegs markmiðs er mikilvægur hluti af lífinu og nauðsynlegt að skapa börnum, unglingum og ungu fólki tíma og aðstöðu til afþreyingar undir þessum formerkjum. Börn og unglingar hafa þörf fyrir að tilheyra hópi, eiga í samskiptum og njóta samveru með jafningjum. Þar að auki sýna rannsóknir fram á mikilvægi þess að börn og unglingar geti litið til annara fullorðinna, auk foreldra sinna, sem fyrirmynda og mynda við þá tengsl.

Starfsmenn

Starfsmenn

  • Nína Björk Grétarsdóttir
    Nína Björk Grétarsdóttir Frístundaleiðbeinandi

    Nína Björk er nýjasti og tíundi starfsmaður Tíunnar. Nína starfar líka með 6-9 ára börnum í Töfraseli yfir daginn en með unglingunum á kvöldin.

    • Jónína Björk Bogadóttir
      Jónína Björk Bogadóttir Frístundaleiðbeinandi

      Jónína verður að vinna með 10-12 ára börnum og unglingum í vetur. Jónína er gullmoli úr Grafarvoginum sem vinnur á mánudags og miðvikudagskvöldum. Jónína ætlar að halda utan um Miðstjórn Tíunnar í vetur ásamt Birnu aðstoðarforstöðukonu.

      • Una Birna Haukdal
        Una Birna Haukdal Frístundaleiðbeinandi

        Una er komin aftur til starfa í Tíunni eftir dvöl erlendis og fögnum við því að fá hana aftur. Una verður í 50% starfshlutfalli og verður því bæði í opnunum fyrir 10-12 ára hópinn sem og unglingana á kvöldin. Una er bæði skapandi og skemmtileg og ætlar hún að halda utan um þá unglinga sem vilja taka þátt í sköpunar og hönnunarklúbbnum sem við köllum Stíll.

        • Jón Ragnar Björgvinsson
          Jón Ragnar Björgvinsson Frístundaleiðbeinandi

          Jón Ragnar eða Nonni eins og hann er oftast kallaður hóf störf í Tíunni í haust en er ekki nýr starfsmaður í Árseli þar sem hann hefur verið að vinna með yngri börnunum í Töfraseli. Nonni verður að vinna á miðvikudags og fimmtudagskvöldum. Nonni ætlar að halda utan um alla þá áhugasömu unglinga sem vilja læra og nota Stúdíó10 sem er hljóð-og myndvinnsluherbergið okkar.

          • Sigurvin Örn Magnússon
            Sigurvin Örn Magnússon Frístundaleiðbeinandi

            Sigurvin hóf störf í haust. Sigurvin vinnur mánudags, fimmtudags og annað hvert föstudagskvöld í unglingastarfinu. Sigurvin er úr Skagafirðinum og er mikill áhugamaður um íþróttir.

            • Hans Hektor Hannesson
              Hans Hektor Hannesson Frístundaráðgjafi

              Hans Hektor er í 50% starfshlutfalli í Tíunni í vetur. Hans er mikill snillingur og sérfræðingur Tíunnar í tölvuleikjum og alls konar spilum. Hans ætlar að halda utan um rafíþróttaklúbb (E-Sports) Tíunnar sem er liður í samstarfsverkefni með Fylki og nærsamfélaginu í Árbæ. Hans vinnur einnig í Töfraseli með börnum í 1.-4. bekk.

              • Sandra Lilja Björnsdóttir
                Sandra Lilja Björnsdóttir Frístundaleiðbeinandi

                Sandra er einn af reynslumestu starfskröftum Tíunnar. Hún er einstakur karakter og mjög mikilvægt púsl í frábæru púsluspili okkar í Tíunni. Sandra verður í 50% starfshlutfalli í vetur og vinnur bæði á daginn með 10-12 ára aldurshópnum og einnig á kvöldin með unglingunum.

                • Hildur Björk Scheving
                  Hildur Björk Scheving Aðstoðarforstöðukona

                  Hildur Björk Scheving var ráðin sem aðstoðarforstöðukona í Tíuna í haust. Hildur verður starfandi á daginn og kvöldin. Hildur er frábær og eru örugglega margir unglingar spenntir að geta eytt meiri tíma með henni í viku hverri. Hildur ætlar að halda utan um 10. bekkinn þetta árið. Hildur verður einnig tengiliður Tíunnar við Selásskóla.

                  • Birna Daðadóttir Birnir
                    Birna Daðadóttir Birnir Aðstoðarforstöðukona

                    Birna hóf störf haustið 2017 sem aðstoðarforstöðumaður og er í 100% starfi og starfar bæði með 10-12 ára og unglingum. Birna er algjör æðibiti sem er með allt skipulag á hreinu. Birna ætlar að halda utan um Miðstjórn Tíunnar ásamt Jónínu. Birna vinnur á miðvikudagskvöldum og annað hvert föstudagskvöld. Birna er tengiliður Tíunnar við Árbæjarskóla.

                    • Bjarni Þórðarson
                      Bjarni Þórðarson Forstöðumaður

                      Bjarni er forstöðumaður Tíunnar. Bjarni vinnur með unglingunum og í 10-12 ára starfinu. Bjarni ætlar að halda utan um Ungmennaráð Árbæjar. Bjarni er tengiliður Tíunnar við Ártúnsskóla.

                    Markmið

                    Opnunartímar

                     5. – 7. bekkur

                    Mánudagar: 14:00-16:00 (skráning inn á http://arsel.is/tian/skraning/)

                    Þriðjudaga: 14:00-16:00 (skráning inn á http://arsel.is/tian/skraning/)

                    Miðvikudagar: 14:00-16:00 (skraning inn á http://arsel.is/tian/skraning/)

                    Fimmtudaga: 14:00-16:00 (skráning inn á http://arsel.is/tian/skraning/)

                    Föstudaga 14:00-16:00 (skráning inn á http://arsel.is/tian/skraning/)

                    8.-10. bekkur

                     Mánudagar: 12:40-14:00 og 19:30-22:00

                    Þriðjudagar: 12:40-14:00

                    Miðvikudagar: 12:40-14:00 og 19:30-22:00

                    Fimmtudagar: 12:40-14:00 og 19:30-22:00

                    Föstudagar: 12:40-14:00 og 19:30-23:00

                    Contact Us

                    We're not around right now. But you can send us an email and we'll get back to you, asap.

                    Ólæsilegt? Breyttu textanum. captcha txt