Connection Information

To perform the requested action, WordPress needs to access your web server. Please enter your FTP credentials to proceed. If you do not remember your credentials, you should contact your web host.

Connection Type

Dagskrá unglingastarfs Tíunnar í september

 í flokknum: Tían

Starfið er komið á fullt og sjaldan verið jafn mikið um að vera í Tíunni og þetta árið. Það verður opið alla virka daga og öll virk kvöld að undanskildum þriðjudagskvöldum. Dagskráin er tilbúin og eru allir starfsmenn svo spenntir fyrir vetrinum. Hópastarf verður einn af áhersluþáttum starfsársins og það er gaman að segja frá því að mikill fjöldi unglinga eru nú þegar skráðir í hópastarf Tíunnar. Ef þú hefur áhuga að taka þátt þá er alltaf pláss fyrir þig. Komdu bara á skrifstofu Tíunnar og skráðu þig eða hafðu samband 🙂

Hóparnir sem hægt er að skrá sig í eru:

Miðstjórn: unglingaráð Tíunnar sem sér um að skipuleggja dagskrá hvers mánaðar. Frábær hópur fyrir þá sem vilja hafa áhrif á félagslífið í Árbænum.

Ungmennaráð Árbæjar og Grafarholts: unglingaráð fyrir ungmenni 13-18 ára. Ungmennaráð er tilvalið fyrir þá sem vilja hafa jákvæð áhrif á samfélagið sitt  og vera virk rödd í uppbyggingu hverfisins fyrir hönd barna og ungmenna.

UpptökuStúdíó, hljóð-og myndvinnsla: Unglingar sem hafa áhuga á að búa til tónlist eða stuttmyndir geta lært á forritin LogicPro, PhotoShop ofl. fengið stúdíótíma og skapað sitt eigið efni.

E-sports hópur: Unglingar sem sem hafa það áhugamál að spila tölvuleiki geta skráð sig í þennan hóp. Klárlega hópurinn fyrir þá sem hafa áhuga á tölvuleikjum og vilja vera partur af liði Tíunnar. Rafíþróttaþjálfari Tíunnar sem sér um þennan hóp.

STÍL hópur: Unglingar sem hafa áhuga á að hanna, skapa og búa til ættu að skrá sig í þennan hóp. Stíll er hönnunarkeppni þar sem þátttakendur hanna búning/föt, hár og förðun og taka svo þátt í árlegri keppni þar sem allar félagsmiðstöðvar á landinu taka þátt. Frábær hópur fyrir þá sem vilja hanna, sníða, sauma og sjá drauma sína rætast.

Extreme makeover Tían: Unglingar sem taka þátt í þessum hópi fá tækifæri til að breyta útliti Tíunnar og fá tækifæri til þess að laga, smíða, mála og margt fleira. Mjög spennandi hópastarf fyrir skapandi og duglega unglinga.

Pizza og enski boltinn í beinni: Unglingar geta nú í fyrsta skipti skráð sig í pizzu og leik um helgar. Tían auglýsir leikina sem sýndir verða hverja helgi og þá er hægt að skrá sig í þá leiki. Þeir sem eru skráðir geta fengið að gera sína eigin pizzu og borða hana svo yfir leiknum. Algjör paradís fyrir fótbolta og pizza elskendur.

D&D hópur (Dungeons and dragons): Það er fátt skemmtilegra en að gleyma sér í annari veröld í góðra vina hópi. Að spila hlutverkaspil eins og D&D er fyrir marga fullkomin frítími. Ef þú ert áhugasamur um hlutverkaspil eða bara spil yfir höfuð þá er þetta hópur fyrir þig.

10. bekkjarhópur: Unglingar í 10. bekk sjá um að skipuleggja og setja upp hið árlega Draugahús. Auk þess munu þau sjá um að skipuleggja ýmsa aðra viðburði eins og til dæmis ,,Velkomin vikuna“ sem verður 2.-6. september. Markmiðið með henni er að elstu nemendurnir bjóði 8. bekkinn velkominn í Tíuna. Þessi hópur er kjörinn til að gera síðasta ár nemenda í 10. bekk í grunnskóla eins eftirminnilegt og skemmtilegt og mögulegt er.

Hlökkum einnig til samstarfs með foreldrum í vetur.

 

Kveðja, starfsfólk Tíunnar

Nýlegar færslur
Contact Us

We're not around right now. But you can send us an email and we'll get back to you, asap.

Ólæsilegt? Breyttu textanum. captcha txt